Moyo wa Shukrani
A song made by Mwana Emanuel
Moyo wa Shukrani
A song made by Mwana Emanuel
Wimbo wa Dua kwa Mzee Mkilya Efraimu na mkewe, Lusi Chanafi.
Ee Mungu wa rehema, tusikie leo,
Tunainua sauti zetu mbele zako.
Mzee Mkilya Efraimu na mkewe, Lusi Chanafi.
Wajalie neema, wajalie amani.
Miaka ya neema ulitukutanisha
pale Keko, Dar es Salaam ya baraka.
Ukatuunganisha kama ndugu wa moyo,
Upendo ukachanua kama maua ya asubuhi.
Ee Mungu wa rehema, tusikie leo,
Tunainua sauti zetu mbele zako.
Mzee Mkilya Efraimu na mke wa ujana wake, Lusi Chanafi.
Wajalie neema, wajalie amani.
Mkashiriki kujenga msingi wa nyumba yetu,
Ya Emanueli na Rehema kwa upendo mkuu.
Leo tunahema, tuna mengi ya kusema,
Kwa wema wenu hatutakoma kuwashukuru.
Maisha yenu yamekuwa somo kwetu,
Kwamba upendo huvumilia yote.
Hautafuti mambo yake wenyewe,
Katika dhiki, raha, na katikati ya karaha.
Leo tunawatazama kwa heshima kuu,
Tukiwainulia dua mbele za Mungu.
Nyumba yenu isije ikazama kamwe,
Bali isimame juu ya Mwamba wa uzima.
Tunawaombea,
Mungu awarejeshee furaha tele,
Awajaze amani ya Bustani ya Edeni.
Aifanye mioyo yenu ichanue tena,
Kwa tabasamu la siku ile ya arusi.
Mzee Mkilya Efraimu na Lusi wapendwa,
Bwana awabariki siku zenu zote.
Neema na rehema viwafuate daima,
Mpaka mwisho wa safari ya maisha.
Ee Mungu wa rehema, tusikie leo,
Wabariki watumishi hawa waaminifu.
Mkilya Efraimu na Lusi waishi kwa amani,
Na upendo wao uangaze vizazi vyote. Amina.
