Naija Dey Bleed
A song made by Auta Jesse
Naija Dey Bleed
A song made by Auta Jesse
Chai... Naija dey bleed oh
Wetin we do?
Every day for this country, person dey cry
Mother dey find her pikin wey bandits carry
Farmer no fit go farm, e go fear die
Government people dey chop, they no dey worry
Kaduna to Zamfara, blood dey flow
Borno to Plateau, the pain dey grow
We dey beg for help but them no dey show
Oga at the top, abeg where you dey go?
Naija dey bleed, nobody dey see
Killings everyday, them no dey free we
We dey shout tire, them no dey hear we
God abeg oh, come deliver we
Naija dey bleed, wahala too much
Bandits dey scatter, government dey hush
We need action now, we don tire for talk
Naija dey bleed oh, make e stop!
See the young man wey just wan make am
Kidnappers carry am for highway, demand ransom
School pikin them kidnap, parents dey run mad
Our leaders dey travel, them dey jolly for abroad
Omo, how far? This thing don do
We need leaders wey go fight for me and you
Not the ones wey go run when wahala come through
Naija I hail thee, but we need something new
Naija dey bleed, nobody dey see
Killings everyday, them no dey free we
We dey shout tire, them no dey hear we
God abeg oh, come deliver we
Naija dey bleed, wahala too much
Bandits dey scatter, government dey hush
We need action now, we don tire for talk
Naija dey bleed oh, make e stop!
We go survive sha
Naija go better
But make una do something oh
Abeg...
